një ditë në destil


Destil është një miks thjeshtësie dhe abstraksioni të cilat mund të eksperimentohen në mënyra të ndryshme. Ky miks funksionesh të cilat ndërthuren më se miri me njëri tjetrin ju ofron mundësinë të ndërveproni në një hapsirë sociale.

Dizajni është perdorur si një instrument për të prodhuar rehati për vizitorët e Destil.

Mund të vini në Destil hostel në çdo kohë që të dëshironi dhe të nisni ditën me një mëngjes të pasur i cili përfshihet ne çmim dhe përfshin lloje të ndryshme ushqimi.

Nëse nuk keni dëshirë te ecni mund të shijoni kafen në barin tonë.

Më pas mund të dilni të shijoni Destil park me një revistë apo libër të cilin mund ta gjeni në librarinë Destil.

Pas kësaj mund të shkoni drejt vendit më të qetë e të rehatshëm në zonën e Kopshtit Destil, për të naviguar në internet 24 orë me cilësinë e lidhjes Destil wi-fi. Nëse do të keni nevojë për një kompjuter ju mund të përdorni kompjuterin e Destil dhe pajisje të tjera si printer apo skaner.

Në orarin e drekës Destil snack bar ofron nje gamë të gjëre gatimesh tradicionale dhe jo vetëm të cilat do të mund ti provoni përpara se ti porositni.

Tashmë është pasdite dhe ju keni nevojë të punoni për projektet tuaja? Hapsira e punës Destil është projektuar për ju në menyrë që të keni çdo komoditet të një zyre e kombinuar kjo me shërbimin e stafit Destil dhe gjithashtu aksesorë të tjerë si për shembull printer apo skaner.

Pasi të keni përfunduar punën tuaj ju mund të relaksoheni duke pirë diçka në Destil happy hour apperitive dhe të shijoi antipasta të ndryshme të ofruara nga ne në një atmosferë festive me muzikë të luajtur nga Dj të ndryshëm.

Pas një dite të gjatë dhe pas disa pijesh është koha per gjumë, dhe ajo që duhet të bëni është thjeshtë të ngjiteni në Destil hostel nën komoditetin e një verande të përbashkët për vizitorët e hostelit, me tualet privat brenda çdo dhome, krevat individual, me një dollap e ndriçim për të lexuar, të gjitha këto në menyrë qe ju të ndjeheni rehat dhe të bëni një gjum të ëmbël.

Siç vihet re në Destil ju mund të kaloni ditën duke bërë aktivitete të ndryshme, gjithashtu është i pozicionuar në një zonë të qetë e strategjike, vetëm 10 minuta ecje larg nga qëndra e qytetit në të cilën gjenden monumente dhe vepra historike, 10 minuta larg liqenit artificial të Tiranës dhe 6 minuta larg nga zona e bllokut në të cilën mund të gjeni baret dhe clubet me të mira në vend.

Nëse dëshironi të vizitoni vende të cilat nuk janë të mbërritshme në kembë, Destil bike rental mund t’ju ndihmojë të shkoni e të vizitoni këto vënde.

Në zonën e recepsionit të Destil Hostel ju mund të gjeni guida të ndryshme të Tiranës dhe Shqipërisë kështu që mund të shijoni një ekperiencë fantastike gjatë pushimeve tuaja.